Standard het verneem die voertuig het aan die beskuldigde se suster behoort. Die Worcester-polisie het die voorval bevestig en genoem dat die seun wat omgestamp is, ernstig in die voorval beseer is.
“Daar lê omtrent drie tot vier maande van herstel vir my seun voor en ons wag nou op die hof se beslissing om te hoor wat werklik gebeur het omdat ons nie persoonlik gesien het wat gebeur het nie.”
“Ons kan bevestig dat ’n 16-jarige slagoffer deur ’n voertuig getref is en hy het ernstige beserings in die voorval opgedoen. Daar is ’n saak van roekelose en nalatige bestuur aanhangig gemaak wat tans ondersoek word,” het ’n woordvoerder van Worcester-polisie, kapt. Tobela Dyasi, gesê.
Standard het die beskuldigde se ouer die geleentheid gebied om kommentaar te lewer, wat by monde van haar prokureur geweier het om op die navraag te reageer “hangende die afhandeling van enige ondersoek”.
*Standard beskerm die identiteit van die betrokke partye omdat albei nog minderjarig is.
