Worcester Gimnasium het met sy jaarlikse interskole teen Hoërskool De Kuilen sy stempel afgedruk op die krieketveld. Al vier die Gim-spanne het gewen en weggestap met die trofeë.
Die o.19A1-span het met 7 paaltjies gewen. Die beste kolwers was Curtley Deelman (42), Ashwin Witbooi (28) en Pierre Joubert (14*).
Die beste boulers was Witbooi met 4/22, wat ’n driekuns ingesluit het, Deelman met 1/14, Frederick Conradie met 1/15 en Daniel van der Berg met 2/25.
Die o.14A-span het met 4 paaltjies gewen. Die beste kolwers was Eduard Klüsmann (45), Ethan Solomon (23) en Nick Geldenhuys (21) en die beste bouler was Ethan Solomon (1/30).
Die o.15A-span het gewen met 40 lopies. Die beste kolwers was Dylan Setera (61), Bruce-John Joseph (57) en Ryan George (20) en die beste boulers Dylan Setera (3/23) en Chamber Joseph (4/24).
Die o.19A2-span het met 10 paaltjies gewen. Hul beste kolwers was Anton Voigt (33* van 38 balle) en Byron Moffat (18* van 17 balle) en die beste boulers Ussiel Langeveld (6/14) en Reevan Strydom (3/20).
