HTS Drostdy spog met ’n 2016-matriekslaagsyfer van 100%.
Wat dié prestasie nog meer besonders maak, is dat 100% van die skool se matrieks aan ’n tersiêre instelling kan gaan studeer.
Altesaam 12 matrieks het gemiddelde A-simbole behaal. Die toppresteerder, Nelmarie Claassen, het ’n gemiddeld van 91,5% met A’s in al sewe vakke. Carmen Victor, wat in die tweede klasposisie staan, het agt A’s behaal.
Die beheerliggaam wens elke matriek geluk met die besondere prestasie.
