Matrikulante reg oor die land begin binnekort met hul nasionale seniorsertifikaateksamen.
Leerders in rekenaarinligtingstegnologie het gister (Woensdag 16 Oktober) hul praktiese vraestel 1 afgelê. Vandag (Donderdag 17 Oktober) skryf die leerders inligtingstegnologie, vraestel 1 prakties. Woensdag 23 Oktober skryf alle matrikulante Engels (huistaal, eerste addisionele taal of tweede addisionele taal) vraestel 1.
Volg Standard om te sien wat skryf die matrikulante vir elke komende week.Hier is 10 studiewenke vir jou eksamen:
- Kry al jou skryfbehoeftes bymekaar.
- Wees positief oor die eksamen en herinner jouself hoekom dit belangrik is om te slaag.
- Gaan stap wanneer jy ’n breuk neem. Verandering van toneel is goed om jou brein te verfris.
- Deel jou leerwerk in sessies op wat jy kan hanteer. As jy te veel op een slag leer, kan dit tot moegheid en angstigheid lei.
- Hou jou leersessies kort en produktief en beloon jouself met konstruktiewe pouses tussendeur.
- Deel jou leerinhoud met enigiemand wat wil luister. Dit kan aanvanklik vreemd voel, maar dit is die moeite werd om jou hersieningsnotas hardop te lees.
- Jou brein leer beter met prentjies en kleur; probeer dit gebruik waar jy kan.
- Fokus jou breinenergie op leergebiede waarmee jy sukkel.
- Herhaling van jou leerinhoud is die sleutel tot sukses en herinnering daarvan.
- Slaap minstens agt ure per nag, eet gesond en drink genoeg water. Om voor te berei vir ’n eksamen is soos strawwe oefening en jy moet fisiek goed voorberei.
Standard
het met matrikulante gesels om te hoor hoe hulle vir die eindeksamen voorberei. Dalk kry jy ook ’n wenk of twee.
