As bydrae tot Mandeladag het die Stigting vir Bemagtiging deur Afrikaans (SBA) op Vrydag 28 Julie 2017 by Artscape 35 matrikulante van verskillende skole byeengebring.
Ivor Price, tans bestuurder van sake-innovasie en spesiale projekte by Media24, het as fasiliteerder opgetree vir groepbesprekings rondom temas soos diversiteit, leierskap, gemeenskapsbetrokkenheid en die toekoms van Suid-Afrika.
Die geleentheid is afgesluit deur die huidige Mej. SA Demi-Leigh Nel-Peters wat die leerders toegespreek het en met ’n optrede deur Afrikaanse kletsrymkunstenaar Hemelbesem.
