HTS Drostdy se topmatrikulant is op pad om medies aan die Universiteit Stellenbosch te studeer.
Cameron Mostert het met ’n gemiddelde van 93,7% geslaag.
“Ek glo om hard te werk en goed te beplan, is die sleutel tot sukses.”
Volgens Mostert is haar ma haar grootste rolmodel. Sy vertel verder dat die inperking haar gehelp het om meer selfstandig te leer. Sy het ook meer tyd gehad om aan haar akademie te bestee.
