Kleuters van altesaam vier dagsorgsentrums in Worcester het onlangs hul staal by ’n sportdag gewys en ouers en ander toeskouers het die koue getrotseer om hul kleuters te ondersteun. Die kleuterskole wat deelgeneem het, is Leatitia-, Heavenly Toddlers-, Kolwyntjies en Dolfyntjies- en Mother of Many-dagsorg.
Die geleentheid is met ’n trompoppievertoning en sang geopen.
Die skoolhoof van Leatitia-dagsorg, Leatitia Snyman, sê die doel van die dag was om dagsorgsentrums aan te moedig om saam te werk en idees uit te ruil.
