Dokters Middleton en Bouwer bedryf ’n algemene tandheelkundepraktyk met spesiale belangstelling in estetiese en ortodonsiebehandeling. Hul praktyk bied sedert Mei 2008 tandheelkunde van hoë gehalte en diens wat die hele gesin sal laat glimlag.
“Ons probeer so ver moontlik om aan alle tandheelkunde-behoeftes aandag te gee op een perseel, van kinders tot bejaardes met spesiale fokus op bewuste sedasie vir kinders en volwassenes met vrees, valstande (wat gemaak word deur ’n laboratorium ook gebaseer by Fairbairnstraat 68A vir spoedige diens), estetiese werk, implantologie, ortodonsie, krone en brûe, bleiking en wit stopsels.”
Aangesien tandheelkunde baie toerusting-gebonde is, praktiseer die vennote net vanaf Fairbairnstraat 68A. Die praktyk is oop van Maandag tot Vrydag van 08:00 tot 17:00 en elke tweede Saterdag van 08:00 tot 13:00. Skakel 023 342 1170, of e-pos middleton.dentist@ gmail.com of bouwer.dentist@gmail.com. Die noodnommer is 076 369 6965.
