Worcester Gimnasium het nie minder nie as 32 matrieks wat A-gemiddeldes in verlede jaar se eindeksamen behaal het.
Altesaam 36 matrieks het B-gemiddeldes behaal.
Die skool spog met ’n 99,5%-slaagsyfer en 72,6% het Baccalaureus-graadvrystellings behaal. Altesaam 338 A-vakgemiddeldes is behaal.
Vyf van die matrieks het bo 90% gekry. Hulle is Deevya Narotam (92,86% – 7 vakonderskeidings), Charl Schoeman (92,57% – 7 vakonderskeidings), Suzanne Stofberg (92,57% – 7 vakonderskeidings), Anja Laubscher (90,86% – 7 vakonderskeidings) en Zanli Selders (90,86% – 7 vakonderskeidings).
Die beheerliggaam sê hulle is dankbaar en baie trots op elke Bosvark wat 2016 suksesvol afgelê het. Hulle bedank die skoolhoof, Charl Schoeman, en sy toegewyde personeel.
